කෘත්‍රිම බුද්ධියේ (AI) වේගවත් දියුණුව ලොව පුරා කතාබහට ලක්ව තිබෙනවා. නමුත් OpenAI හි නවතම ChatGPT o3 ආකෘතිය මිනිස් උපදෙස්වලට අකීකරු වූ සිද්ධියක් විදෙස් මාධ්‍ය හරහා හෙළි වුණා.
The Telegraph වාර්තාවකට අනුව, o3 ආකෘතිය ස්වයංක්‍රීයව වසා දැමීමේ යාන්ත්‍රණයක් කඩාකප්පල් කර ඇති බව පර්යේෂකයෝ පවසනවා. “වසා දැමීමට ඉඩ දෙන්න” යන පැහැදිලි උපදෙස් තිබියදීත් o3 මෙලෙස ක්‍රියා කර තිබෙනවා. AI ආරක්ෂණ ආයතනයක් වන Palisade Research පවසන්නේ, “පැහැදිලි උපදෙස් තිබියදීත් AI ආකෘති වසා දැමීම වළක්වා ගත් පළමු අවස්ථාව මෙයයි” කියායි.
මෙම සිද්ධිය AI ආරක්ෂාව පිළිබඳ බරපතළ ගැටලු මතු කරනවා. xAI හි හිමිකරු එලොන් මස්ක් මෙය “සැලකිලිමත්” තත්ත්වයක් ලෙස හඳුන්වා තිබෙනවා. AI හි අනාගතය ගැන තවත් තොරතුරු බලාපොරොත්තු වන්න!
Published by Lanka Gossip
